ຫ້ອງສະໝຸດ ແມ່ນຄັງຄວາມຮູ້ ຊຶ່ງເປັນສະຖານທີ່ທ້ອນໂຮມ, ເກັບຮັກສາ, ສະສົມປຶ້ມ ແລະ ສິ່ງພິມອື່ນໆ ທີ່ບັນຈຸຄວາມຮູ້, ສະຕິປັນຍາຂອງມວນມະນຸດ ໂດຍມີຫຼັກການຈັດເປັນລະບົບຕາມຫຼັກວິຊາການ ເພື່ອສະໜອງ ແລະ ໃຫ້ການບໍລິການຂໍ້ມູນ-ຂ່າວສານ ແກ່ມວນຊົນທຸກຊັ້ນຄົນໃນສັງຄົມ.
ຫ້ອງສະມຸດກົມຄົ້ນຄວ້າວິທະຍາສາດ ແລະ ປະຫວັດສາດ ປກສ ແມ່ນຄັງສາງຄວາມຮູ້ ທີ່ໄດ້ທ້ອນໂຮມ, ເກັບຮັກສາປຶ້ມ, ສິ່ງພິມທາງວິທະຍາສາດ, ຍຸດທະສາດ, ປະຫວັດສາດ, ປັດສະຍາ ແລະ ສິ່ງ ພິມອື່ນນໆ ເພື່ອສະໜອງຂໍ້ມູນ-ຂ່າວສານ ໃຫ້ແກ່ກຳລັງປ້ອງກັນຄວາມສະຫງົບ.
ຫ້ອງສະໝຸດແຫ່ງນີ້ ສ້າງຂຶ້ນຕາມໂຄງສ້າງຫໍພິພິທະພັນ ຊຶ່ງເປີດບໍລິການໃຫ້ນັກຄົ້ນຄວ້າ, ນັກສຶກສາ, ນັກຮຽນ ຕະຫຼອດຮອດພະນັກງານ-ນັກຮົບ ໃນກຳລັງປ້ອງກັນຄວາມສະຫງົບ ເລີ່ມແຕ່ປີ 2011ເປັນຕົ້ນມາ ໃນຫ້ອງສະໝຸດຂອງພວກເຮົາມີປຶ້ມ, ເອກະສານຕ່າງໆ ທີ່ເປັນຂໍ້ມູນ-ຂ່າວສານສຳຄັນ ເຊັ່ນ: ວິທະຍານິພົນປະລິນຍາເອກ, ໂທ, ຕີ, ຊັ້ນສູງ, ປຶ້ມປະຫວັດສາດ, ປັດສະຍາ, ວິທະຍາ ສາດ, ຍຸດທະສາດ ແລະ ສິ່ງພິມອື່ນໆ ລວມ 5.000 ກວ່າຫົວ.
ຫ້ອງສະໝຸດພວກເຮົາ ເປີດບໍລິການແຕ່ວັນຈັນ-ສຸກ ໃນໂມງລັດຖະການ; ຕອນເຊົ້າ ເລີ້ມແຕ່ເວລາ 8 ໂມງ ຫາ 11 ໂມງ 30 ນາທີ; ຕອນແລງເລີ່ມແຕ່ເວລາ 13 ໂມງ 30 ນາທີ ຫາ 16 ໂມງ ວັນເສົາ ແລະ ວັນອາທິດບໍ່ໄດ້ເປີດບໍລິການ.ກົມ
ຮູບພາບ: ການຈັດວາງປື້ມ
ເນື້ອໃນເພີ່ມເຕີມ...
